රටේ පවතින අයහපත් සෞඛ්‍ය තත්ත්වය හේතුවෙන් පාසල් නිවාඩු ලබාදීම හා එය තවදුරටත් දීර්ඝ කිරීම නිසා පොලොන්නරුව ලංකාපුර මහා විද්‍යාලයේ දරුවන්ට වන අපහසුතා අවම කිරීමේ අපේක්ෂාවෙන් අතපසු වන පාඩම් ස්වයං අධ්‍යයනය කිරීමට අදාළ පැවරුම් මෙම බ්ලොග් අඩවිය හාරහා එක් එක් විෂයන්ට අදාළව පළ කිරීමට අදහස් කරමු.එමෙන්ම පන්ති මට්ටමින් හා විෂය මට්ටමින් ගොඩනගා ඇති පාසල් වට්ස්ඇප් ගෲප හරහාද පැවරුම් ලබා ගැනීමේ හැකියාව දැනට ඇත..
එතෙක් ඔබ ලංකාපුර ප්‍රදේශ වාසියෙකු නම් හෝ දැනට ලංකාපුර විද්‍යාලයේ අධ්‍යාපනය හදාරන දරුවන් හා සබදතා ඇති අයෙක් නම් මෙම පණිවුඩ හා මෙහි පල කෙරෙන පැවරුම් ඔවුන් වෙත ලබා දීමට කාරුණික වන්න.එසේ ලබාගන්නා පණිවුඩ සහ පැවරුම් හැකිඅයුරින් තම අසල්වැසි යහලුවන් සමග බෙදාහදා ගැනීමට කටයුතු කරන මෙන් ඔවුනට දන්වන්න.
ගැටලුවක් මතුවූ විට තමන්ට විෂය උගන්වන ගුරුභවතුන් දුරකථන මගින් සම්බන්ධ කරගැනිමට කටයුතු කරන්න.ඉටුකරන ලද පැවරුම් පාසල් ආරම්භයේදී ගුරුවරුන් විසින් පරීක්ෂා කරනු ඇත.
හදිසි තත්වය හමුවේ ඇතිවී ඇති ගැටලුකාරී බව යම්තාක් දුරකට හෝ අවම කරගැනීම සදහා ප්‍රදේශයේ දුවා දරුවන්ගේ අනාගත අභිවෘද්ධිය තකා මෙම වැඩපිළිවෙළට හැකි අයුරින් සහයවන මෙන් ඉල්ලා සිටිමු.
0 Comments